މި ރަސްމިއްޔާތު ޝަރަފުވެރި ކޮށްދެއްވައި ހާފިޒުންނަށް ހާފިޒު ކަމުގެ ސަނަދާއި، ރައީސުލްޖުމްހޫރިއްޔާ ދެއްވާ އިނާމާއި މެޑަލް ހަވާލުކޮށްދެއްވީ ރައީސުލް ޖުމްހޫރިއްޔާ ޑރ. މުހައްމަދު މުޢިއްޒެވެ.
މި އަހަރު ދަސްވެނިވީ 31 ފަރާތެކެވެ. އެއީ އަންހެން 19 ހާފިޒުންނާއި، ފިރިހެން 12 ހާފިޒުންނެވެ. އޭގެ ތެރޭގައި 12 އަހަރާ 21 އަހަރާ ދެމެދުގެ 23 ހާފިޒުންނާއި، 21 އަހަރުން މަތީގެ 8 ހާފިޒުން ހިމެނެއެވެ.
މި ރަސްމިއްޔާތުގައި ވާހަކަފުޅު ދައްކަވަމުން އިސްލާމީ ކަންތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވީ، މި ވަގުތު ރާއްޖޭގައި 139 އަންހެން ހާފިޒުންނާއި، 162 ފިރިހެން ހާފިޒުން ތިއްބެވިކަމަށެވެ. އެއީ އެކު ޖުމުލަ 301 ކަމަށް ވެސް ވިދާޅުވިއެވެ.
ވަޒީރު ވިދާޅުވީ މި ފަސް އަހަރު ތެރޭގައި ހާފިޒުންގެ އަދަދު 500އަށް އިތުރުކުރުން އެއީ އަމާޒުކަމަށެވެ. އަދި ހަމައެހެންމެ އިސްލާމީ ދުނިޔޭގައި ގައުމެއްގައި ދިރިއުޅޭ ރައްޔިތުންގެ ނިސްބަތުން، ހާފިޒުން އެންމެ ގިނަ ގައުމަކަށް ދިވެހިރާއްޖެ ހެދުމަކީ އަމާޒެއް ކަމަށް ވެސް ވަޒީރު ވިދާޅުވިއެވެ.
ޚަބަރު
ޚަބަރު
ޚަބަރު
ޚަބަރު
ޚަބަރު
ޚަބަރު
ޚަބަރު
ޚަބަރު
