ފ.އަތޮޅު ފުލުހުންނަށް ކައުންޓަރ ޓެރަރިޒަމް އެވެއާނަސް ޕްރޮގްރާމެއް ބާއްވައިފި!

ފ. އަތޮޅުގައި މަސައްކަތްކުރާ ފުލުހުންނަށް ކައުންޓަރ ޓެރަރިޒަމް އެވެއާނަސް ޕްރޮގްރާމެއް ހިންގައިފިއެވެ.

ފުލުހުން ވިދާޅުވީ މި ހިނގާ ފެބުރުވަރީ މަހުގެ 9އިން 10އަށް މި ޕްރޮގްރާމް ކުރިއަށް ގެންގޮސްފައި ވަނީ ކައުންޓަރ ޓެރަރިޒަމް އިންޓެލިޖެންސް ޑިޕާޓްމަންޓާއި ފ. އަތޮޅު ޕޮލިސް ގުޅިގެން ކަމަށެވެ.

މި ޕްރޮގްރާމުގައި، ޓެރަރިޒަމާ ގުޅުންހުރި ތަފާތު ހާލަތްތަކުގައި އަމަލުކުރާނެ ގޮތްތަކުގެ މައުލޫމާތުދިނުމާއި ކައުންޓަރ ޓެރަރިޒަމަށް ހޭލުންތެރިކޮށް އަދި ފްރަންޓްލައިން އޮފިސަރުންގެ ރޯލުތަކާއި ޒިންމާތަކާ ގުޅޭގޮތުން މައުލޫމާތުދީފައިވާ ކަމަށްވެސް ފުލުހުން ބުނެފައި ވެއެވެ.

މީގެއިތުރުން ފުލުހުން ބުނީ މައުލޫމާތު ދިނުމަށް ސިނާރިއޯ ބޭސްޑް ޓްރެއިނިންގތައް ވެސް ކުރިއަށް ގެންގޮސްފައިވާ ކަމަށެވެ.