މާލޭ ގެއެއްގެ ތެރޭ މަރުވެފައި އޮތް މީހަކު ފެނިއްޖެ

މާލޭ ގެއެއްގެ ތެރެއިން މަރުވެފައި އޮތް މީހަކު ފެނިފައިވާކަމަށް ފުލުހުން ބުނިއްވައިފިއެވެ..

ފުލުހުން ބުނުއްވީ މަރުވެފައި އޮތް މީހަކު ފެނިފައި ވަނީ މއ.ހުދުއަކިރި ގެއިން ކަމަށެވެ.

ފުލުހުން ބުނުއްވީ މަރުވެފައި އޮއްވާ ފެނުނީ މއ. ހުދުއަކިރި، އަބްދުﷲ ހަސަން (53އ) ކަމަށެވެ.

 އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެތް ކަމަށް ހޮސްޕިޓަލާ ހަވާލާދީ ފުލުހުން ވަނީ ބުނުއްވާފައެވެ.

އޭނާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުލުހުން ބުނުއްވިއެވެ.  މިއީ ކިހިނެތް ހިނގި ކަމެއްތޯ ބަލައި ތަޙުޤީޤުކުރަމުން އަންނަ ކަމަށް ވެސް ފުުލުހުންގެ މުއައްސަސާއިން ހާމަކުރިއެވެ